Cinco medallas para os deportistas ourensáns no Autonómico escolar de kung-fu

O pavillón polideportivo de Barbadás foi escenario o pasado fin de semana da décima edición do Campionato de Galicia escolar individual de kung-fu en idade escolar, no que os participantes ourensáns quedaron nos primeiros postos na súa categoría.

No que respecta ós compoñentes do Ximnasio Fitness Forma, na categoría marrón alevín proclamouse subcampeón Daniel Pérez, mentres que o terceiro posto foi para Pablo Quintas; na categoría marrón xuvenil, subcampeona, Iria Pérez; terceira, Marta Cortizo; cuarta, Anne Capilla; en cinto negro xuvenil: terceiro Xurxo Doval, cuarto, Martín Gil.

Pola súa parte, o representante das Escolas Deportivas de Barbadás, Marcos García conseguiu o quinto posto dentro da categoría de cinto negro xuvenil.

Todos estes deportistas clasificáronse para o Campionato Ibérico que se celebrará o próximo mes de xuño en Tui.